Достигнувањето некое ниво во производството не смее да се сведува само на ентузијасти. Неопходни се реформи, кои, сакале ние или не, ЕУ ќе ни ги наметне. Не смееме да се плашиме од поинаков пристап кој води напред, порача здружението „Вина од Македонија“ по повод „Светскиот ден на Вранецот“. Како што изјави претседателот на „Вина од Македонија“ Светозар Јаневски ќе мораме да ги доевдеме работите во ред.
Прославуваме локална сорта која има голем потенцијал, но неопходни се промени за да го добиеме она што го сакаме. Успеавме да го дотераме квалиотетот на „вранецот“ до некое ниво, но тоа е работа повеќе на ентузијасти. Ова е почеток на патот по кој треба да одиме, пат што долго трае и не еден политички мандат. Сите се плашат од реформи, но реформите мора да почнат. Ќе бидеме принудени на нив со почетокот на преговорите со ЕУ. ЕУ ќе ни ги наметне тие реформи, не можеме вака да се однесуваме, треба работите да ги дотераме во ред, истакна Јаневски.
Тој потсети дека ЕУ ќе ни наметне два нови термина – грло и хектар.
Тоа подразбира стимулирање во развој. Фондовите не се бават со формирање цена. Таа се формира меѓу два субјекта што преговорааат, а другиот сегмент се развојните проекти – стимулирање промена, купување опрема, вложување. Тој друг пристап ќе ни даде поголеми можности за да влеземе во други води и да го направиме она што треба. Имаме извонредни „вранци“ тука, во нив лежи оргомен потенцијал, но во него треба постојано да се вложува, рече Јаневски
Во земјава има околу 10.800 хектари вранец, а во регионот 15.000 – 16.000, дел во Косово и Црна Гора.
Се обидуваме да се поврземе сите заедно во регионот, да ја насочиме целата снага, на институтите науката, традицијата, лозарите, за да ги промениме навиките, информира Јаневски
Од лани, извозот на виното „вранец“ е зголемен за седум проценти што, беше речено, дополнително укажува на потенцијалот.
Оваа година можеби не беше најдобра, но Владата, со рекордни 6,5 милиони евра успеа да го избалансира тој дел на пазарот. Со нашите мерки ќе се средува и делот со залихите, но тоа не е доволно. Планирани се реформи. Ќе се формира комитет за винско грозје меѓу лозарите и визбите, ќе се изготви и стратегија зашто виното после тутунот е втор производ по извоз. Остануваме на заложбата да помогнеме за да бидеме препознатливи во светот, рече министерот за земјоделство, шумарство и водостопанство, Арјанит Хоџа.
На одбележувањето на „Светскиот ден на Вранецот“ беше промовирана Брошурата за промоција на винската индустрија на земјава, чија подготовка е поддржана од Министерсрвото за економија преку Програмата за конкурентност, иновации и претприемништво. „Светскиот ден на Вранецот“ се одбележува втор пат.
