Додека распоредувањето 5G е во тек во многу земји, од најголема важност е да се провери дали производителите на клучните компоненти на инфраструктурата се доволно доверливи за да нè заштитат од сајбер напади. Треба да се гарантира дека странските сили не се во можност да злоупотребуваат мрежи 5G за цели на шпионажа. Во согласност со предупредувањата од официјалните претставници на САД, со тоа ревизиите за политички кредибилитет би можеле да ги комплетираат декларациите за технички сертификати и доверба.
Како ќе се развива ситуацијата во различни земји?
пишува: Горан Стоименов, генерален секретар и ко-основач на Истражувачки центар за безбедност, одбрана и мир
Горан Стоименов од Истражувачки центар за безбедност, одбрана и мир – ICBOM (https://icbom.org/) како и сите што пројавија интерес за учество на настанот „Иднината на 5G – Меѓународен натпревар без потврда за тарифи“, добија покана за партиципација на вебинар преку Идеолошкиот и аналитички центар Конзерватив МК.
„Учеството на вакви настани е од особена важност за да ги следиме трендовите на актуелните политички теми во светот кои се рефлектираат и кај нас. Нажалост, кај нас, темата за 5Г и дебатите за истата се спуштени на многу ниско и нестручно ниво. Од друга страна, имаме недостаток на сериозни телевизиско-медиумски дебати со релевантни гости на истата тема. Веројатно, класичните партиски препукувања сè уште доминираат на екраните“ – вели Горан Стоименов.
Модератори на дебатата беа Лучио Миранда, претседател на Export USA New York Corp, Фатмир Медиу, претседател на Центарот за југоисточна безбедност (SESC) и поранешен министер за одбрана Албанија.
Специјални гости: GENERAL JAMES JONES, поранешен врховен командант на НАТО; Советник за национална безбедност на САД – CONGRESSMAN ROBERT ADERHOLT, Конгрес на САД.
Главни дебатери беа: RICHARD MILSOM, извршен директор на светските и европски конзервативци (ex ACRE, ECR party worldwide); LUKAS MANDL, европратеник (Потпретседател на Поткомитетот за безбедност и одбрана, СЕДЕ); ANNA MICHELLE ASIMAKOPOULOU, европратеник (заменик претседател, Комисија за меѓународна трговија); ANDREW BOWIE, пратеник во парламентот на Велика Британија; TIM BRAUCKMÜLLER, Управен партнер atene KOM GmbH Berlin, Germany.
Истражувачкиот центар за безбедност, одбрана и мир е здружение формирано од поранешни студенти од Факултетот за безбедност. Целта на здружението е да се подигне свеста кај младата популација за прашања поврзани со безбедноста, одбраната, мирот, заштитата на човековите права и слободи.
