Министерот за внатрешни работи Оливер Спасовски, одговарајќи на новинарско прашање дали ќе биде премиер на техничката влада рече дека има уште доста време, заради тоа што во политиката времето е релативна работа и дека тој е насочен апсолутно да ги реализира приоритетите додека е министер за внатрешни работи.
– За сите прашања што ќе бидат за формирањето на техничката влада кои ќе бидат личностите во таа влада, сигурно за тоа ќе одлучува премиерот, ќе одлучуваат органите на партијата и не би сакал уште сега да шпекулираме заради тоа што навистина за тоа нема потреба. Кога ќе дојде моментот ќе се донесат одлуките и тие ќе бидат соопштени во јавноста – рече Спасовски.
