Од Министерството за здравство смируваат дека нема опасност од зараза со МРСА откако кај еден од вработените во Стоматолошкиот клинички центар е најдена оваа бактерија.
-Во установата се преземени сите мерки за дезинфекција и изолирање на бактеријата. Вработениот кај кој е потврдено присуство на бактеријата е изолиран и не доаѓа на работа. – велат од Министерството.
Од таму нагласуваат дека нема опасност од зараза и Стоматолошкиот клинички центар непречено и континуирано обезбедува здравствени услуги за пациентите.
Претходно, од Клиниката соопштија дека превентивно е извршена комплетна дезинфекција на просториите на катот каде што вработениот работел, а во тек е дезинфекција и на сите простории на Клиниката, како и дека се вршат превентивни прегледи и на другите вработени во установата.
