Едно лице од Кочани починало од корона вирус, потврди градоначалникот Николчо Илијев. Веста ја добил утринава од член на потесното семејство на починатиот.
Семејството е во изолација и барало помош да се организира погребот. Општината е вклучена во помагање да се организира погребот.
-Последен пат се слушнав со него во четвртокот, ми кажа дека има болки и дека ќе го приклучат на апарати. Беше на Инфективното одделение во Скопје, рече Илијев.
Станува збор за 40-годишен маж, кој престојувал во Италија, и бил хоспитализиран на Инфективното одделение во Скопје.
