Претседателот Ѓорге Иванов, придружуван од сопругата Маја Иванова, од денеска престојува во дводневна официјална посета на Република Молдавија.
Иванов во Кишињев со највисоки државни и воени почести ќе биде примен од претседателот на Молдавија, Игор Додон. Предвидено е двајцата претседатели да одржат тет-а-тет средба, по што двете официјални делегации ќе одржат пленарен состанок.
Во рамки на официјалната посета, македонскиот претседател ќе оствари средба со премиерот на Молдавија, Павел Филип и со претседателот на парламентот на Молдавија, Андриан Канду.
