Здравствената состојба на Алексеј Навални, руска опозициска фигура и жртва на сомневање за труење, се подобри и тој сега може повторно да зборува, објави во четвртокот Дер Шпигел повикувајќи се на извори запознати со ова прашање.
Во написот се забележува дека истрагата на полицијата за случајот Навални ќе се засили откако критичарот на Кремљ ќе може да зборува.
Неговите изјави може да бидат опасни за луѓето кои стојат зад нападот, се вели во извештајот.
Државната канцеларија за криминалистичка полиција во Берлин ги засили безбедносните мерки на претпазливост за рускиот опозициски политичар. Бројот на распоредени полицајци и густината на контролите се зголемени околу Навални, кој се лекува во Шарие во Берлин по труењето на 20 август.
Државниот секретар на Соединетите држави, Мајк Помпео, претходно тврдеше дека постои „суштинска шанса“ руски официјални лица да стојат зад наводниот напад врз Навални, додека Москва остана непоколеблива дека Русија нема никаква врска со здравствената состојба на политичарот.
