Погледнете во внатрешноста на манастирот „Св. Јован Бигорски“

Ми­риз­ба на др­во и на хар­ти­ја ме­сто на ча­дот што ја пеп­ло­са исто­ри­ја­та, кни­жев­но­ста, ду­хов­но­ста. Зли­те ог­не­ни ја­зи­ци во 2009 го­ди­на уни­шти­ја дел од еден од нај­у­ба­ви­те ма­ке­дон­ски ма­на­сти­ри „Св. Јо­ван Би­гор­ски“, кој прет­ста­ву­вал нај­го­лем кул­ту­рен цен­тар. Делумно на­стра­да и исто­ри­ска­та биб­ли­о­те­ка во са­ми­от ма­на­стир.

За неа во ар­хи­ви­те стои де­ка до 1968 го­ди­на во неа има­ло 10 дра­го­це­ни сло­вен­ски ра­ко­пи­си. Во по­жа­рот во сеп­тем­ври 2009 го­ди­на комп­лет­но из­го­ре дел од фонд на кни­ги. За среќа настрадаа книги кои не се уникатни. Во библиотеката има де­ла соз­да­ва­ни и со­би­ра­ни со де­це­нии, а по­ин­тен­зив­но од 1995 го­ди­на, ко­га во ма­на­сти­рот на служ­ба при­стиг­на и Пар­те­ниј, игу­мен на овој вер­ски храм.

Жал­на бе­ше сли­ка­та од ма­на­сти­рот во на­ред­ни­те не­кол­ку го­ди­ни по по­жа­рот. Де­не­ска, не­што по­ве­ќе од че­ти­ри го­ди­ни од де­нот ко­га бе­ше уни­штен дел од комп­ле­ксот, таа сли­ка е про­ме­не­та. Биб­ли­о­те­ка­та е ед­но од глав­ни­те ду­хов­ни кат­чи­ња на ма­на­сти­рот, кој го вра­ќа сво­јот стар сјај. Сто­ти­на лу­ѓе под водс­тво на игу­ме­нот Пар­те­ниј се­кој ден се гри­жат за це­лос­но об­но­ву­ва­ње на де­ло­ви­те што из­го­реа во стра­вот­ни­от по­жар.

Стол­бо­ви­те и та­ва­ни­те се во ду­хот на пре­род­ба­та од 19 век, ко­ри­сте­на е ита­ли­јан­ска ин­тар­зи­ја. Ед­на од нај­ста­ра­та и ре­тки кни­ги е ори­ги­на­лот на „Ар­мо­то­лос“ или „Сер­да­рот“ од Гри­гор Пр­ли­чев.

Вер­ни­ци­те по­сто­ја­но до­ни­ра­ат кни­ги за биб­ли­о­те­ка­та. Се­мејс­тво­то Кон­стан­ти­но­ви од Би­то­ла му по­да­ри на ма­на­сти­рот дел од сво­ја­та при­ват­на биб­ли­о­те­ка со 55.000 кни­ги и мо­но­гра­фии со­би­ра­ни се­дум­де­се­ти­на го­ди­ни. На де­се­ти­на мо­на­си и на до­на­то­ри­те им бе­ше по­тре­бен цел ден за да ја рас­то­ва­рат, рас­па­ку­ва­ат и на­ре­дат оваа вред­на ли­те­ра­ту­ра од ре­чи­си си­те об­ла­сти: исто­ри­ја, те­о­ло­ги­ја, ет­но­ло­ги­ја, фи­ло­зо­фи­ја, исто­ри­ја на умет­но­ста, пси­хо­ло­ги­ја, ан­тро­по­ло­ги­ја, ме­ди­ци­на, лин­гви­сти­ка.

До­ни­ра­ше Друш­тво­то на пи­са­те­ли, до­ни­ра­ше из­да­вач­ка­та ку­ќа „Ма­ка­веј“, до­ни­ра­ше „Ма­ти­ца“. При­до­нес да­де и бу­гар­ски­от ам­ба­са­дор во Ре­пуб­ли­ка Ма­ке­до­ни­ја, Ан­гел Ан­ге­лов, кој ја збо­га­ти биб­ли­о­те­ка­та со сто­ти­на ду­хов­ни из­да­ни­ја од по­но­ва­та еди­ци­ја. Дел од по­да­ре­ни­те кни­ги беа и из­да­ни­ја на ду­хов­ни кни­ги пе­ча­те­ни пред по­ве­ќе од еден век.