Од вкупниот број заболени од корона вирусот во Македонија, 14 или 15 се здравствени работници, вклучувајќи ги и новодијагностицираните во Скопје, информира министерот за здравство Венко Филипче.
Како што соопшти Филипче, заразени медицински лица има во Кавадарци, Дебар, Скопје и во Куманово.
Прашан во каква здравствена состојба се децата кои се дијагностицирани со вирусот и каде се лекуваат, министерот информира дека најмалото дете од Скопје е на домашно лекување, на одделението за инфективни болести во болницата во Штип се лекува 4-годишно девојчето, како и момчето од Дебар кое има 15 години. Сите се во добра состојба во смисла на тоа да е манифестацијата на болеста во лесна форма.
