Претседателот Стево Пендаровски во интервју за австрискиот весник „Пресе“, ја предупредува ЕУ дека за никого нема да биде добро ако не го добиеме ветениот датум за преговори.
– Не се надеваме на сигнал, очекуваме одлука. Во текот на изминатата година и пол, испорачавме сè што треба. Ние дури и го сменивме името по историскиот договор со Грција. Ниту една друга земја-кандидат досега не го сторила тоа – рекол Пендаровски.
Пендаровски ѝ укажува на ЕУ дека ако се одложуваат пристапните преговори, ќе изгуби на кредибилитет и веродостојност.
–Граѓаните не прашуваа зошто мораме да го смениме името на нашата држава. Нашиот одговор беше – за да станеме членка на ЕУ. Испoлнивме се што се бараше од нас досега. Сега граѓаните прашуваат зошто доаѓа до одложување – изјавил Пендаровски за „Пресе“.
