Судијата Владимир Панчевски тврди дека со помош на софистицирана опрема власта до изборите ќе ги блокира сите противници на власта на социјалните мрежи, пренесе Република.
– Од денес па во следниот период режимската власт има направено сондажа на клучните интернет точки и преку израелската опрема безбедносните служби ќе делуваат со блокажи и пад на интернет конекциите на сите корисници кои преку социјалните мрежи им се спротивставуваат на хунтата. – пишува Панчевски кој важи за жесток критичар на власта која систематски врши притисок врз правосудните органи во кои работи тој.
Дел од корисниците на социјалните мрежи, инфлуенсери но и медиуми, веќе коментираат дека имаат драстично помал број на реакции (лајкови, споделувања и шерувања) од вообичаените но не знаат дали тоа е причинето од промена на алгоритми или поради други причини за кои зборува и судијата Панчевски.
