Специјалниот американски претставник за Западен Балкан Метју Палмер изјави дека САД очекуваат од Европската унија следниот месец да ги отвори пристапните преговори со Македонија и Албанија.
Како што потенцира Палмер, неговата земја смета дека е неопходно двете земји да го продолжат европскиот пат.
– Сметаме дека двете земји според постигнувањето и заслугите се квалификувани да ги почнат преговорите. Тоа би било важен сигнал што треба да се испрати до регионот – истакна Палмер за бугарскиот сервис на Радио Слободна Европа.
Палмер изрази загриженост за вклучувањето на Русија на просторот на Западен Балкан.
Според Палмер, целта на Русија е да го дестабилизира Западниот Балкан преку конфликти и воведување елементи на хаос, како и креирање раздор меѓу државите од регионот и меѓународната заедница.
