Оставката на директорот на истражниот затвор во Шуто Оризари, Ѓоко Котевски ќе биде разгледувана по завршувањето на претседателските избори во мај, соопшти владата.
– Со оглед на тоа што оставката е поднесена во период откако се објавени претседателските избори, истата ќе се разгледува после завршување на изборите, штом заврши забраната за разрешување и именување согласно Изборниот законик. – велат од „Илинденска“.
Котевски вчера до владата ги доставил оставката и извештајот во врска со инцидентите во кои беа нападнати поранешните министри, Спиро Ристовски и Миле Јанакиески. Извештајот за инцитентот, како што рече, го доставил и до Министерството за правда и до Управата за извршување санкции
Котевски посочи дека првично биле покренати дисциплински постапки за 11 лица во затворот „Скопје“, кај кои биле утврдени пропусти во постапувањето и додаде дека оваа бројка не е конечна.
