Вицепремиерот за европски прашања Бујар Османи на својот Фејсбук профил се обиде да го објасни концептот „консензуален претседател“ по реакциите во јавноста дека постојат недоречености во истиот и дали навистина токму изборот на Стево Пендаровски од страна на СДСМ, ДУИ и другите владини коалициони партнери е токму таков.
– Малите умови зборуваат за луѓето, Средните умови зборуваат за настани,Големите умови зборуваат за идеи!
Консензуален претседател никогаш не беше дискусија за луѓе или конкретен настан, но беше и останува ИДЕЈА за воспоставување КОНЦЕПТ за заедничко донесување одлуки помеѓу двете најголеми заедници во земјата, наспроти избирање моноетнички претседател.
КОНСЕНЗУСОТ Е КОНЦЕПТ! – напиша Османи на Фејсбук.
