Во своето гостување во емисијата „Клик Плус“ на ТВ21, вечерва министерот за надворешни работи Бујар Османи, истакна дека сите информации околу Фрчкоски и неговата номинација за амбасадор во Соединетите американски држави, се само шпекулации.
– Името на Фрчковски дека ќе биде амабасадор во Вашингтон дојде од медиумите. Дека е повлечена кандидатурата повторно дојде од медиумите. Во ниту еден момент, МНР не кажало дека тој е кандидат за амбасадор, или дека е отфрлен или прифатен, изјави вечерва министерот за надворешни работи, Бујар Османи за емисијата „Клик плус“.
Според него, процесот за именување на кандидатите за амбасадори е во целосна дискреција и тоа се класифицирани податоци.
– Не влегувам во дебата околу вакви шпекулации. Се додека МНР не потврди одредена кандидатура, ништо друго не треба да се земе како официјална вест, соопшти Османи.
