Во гостиварската општина денес гласаат 26 лица. Утре, правото на глас од дома ќе го остварат 184 лица кои се евидентирани како болни и изнемоштени. Еден пријавен за денешното гласање починал, а еден е во болница.
Според информациите од ОИК Гостивар, денес една од двете комисии со заштитна опрема излегла на терена и во 13 часот ги донесе првите гласови од лицата заразени со корона вирусот или се имаат решенија за самоизолација.
– Од прифатените барања на 26, две лица не гласаа. Едното е префрлено на лекување во болница, а другото во меѓувреме починало. Комисијата нема дозвола да оди во болница и да овозможи гласање, појаснува Мустафа Муслиу претседател на ОИК Гостивар.
Комисијата ги спровела сите подготовки за да се спроведат изборите. Според Муслиу, изборниот материјал ќе биде предаден на одборите утре заради безбедносни причини.
– Како комисија и во консултација со полицијата оценивме дека во некои од избирачките места не е безбедно да се чува избирачкиот материјал, па наместо во среда, тој ќе поделиме еден порано, рече Муслиу.
Утре правото на глас ќе го искористат 184 лица од пријавени 213. Ним претходно комисијата им ги одбри барањата да им се овозможи да гласаат од дома бидејќи се болни или изнемоштени. Четири лица кои се наоѓаат во домашен притвор се пријавиле за гласање.
Во гостиварската општина за предвремените парламентарни избори право на глас имаат 79.923 граѓани кои се на избрачкиот список. Во среда ќе гласаат на 121 избирачко место и формирани се 119 избирачки одбори. Две избирачки места ќе бидат покриени со одборите од други, бидејќи во списокот на тие места има помалку од десет гласачи. Бројот на гласачи во споредба со последните претседателски избори е поголем за 512.
