Изминативе денови неколку текстилни компании почнаа со изработка на заштитни маски и истите ги донираат до различни категории, како полицајци, војници, здравствени работници.
Поради неостатокот на маски во аптеките на територија на цела држава, на социјалните мрежи се појавија и некакви алтернативни решенија, како покривање со марама, маски од обичен текстил итн.
Но, по информациите за изработка на маските, се појавија и критиките дека овие маски кои се изработуваат во компаниите се изработени од обичен памук, не се медицински и имаат нула степен на заштита од вируси.
Памучните маски штитат од прашина и ветер, а на вирус со димензии од 0, 12 микрона потреба е медицинска маска. Во светот постојат точно одредени и пропишани стандарди за заштитна маска
од Kина е YY0469-2011 ,
од Европа е EN 14683-2014 type2 or type 3
од САД е N95 or N99 mask 9132/1860 (NIOSH)
Tоа е така затоа што секој слој( и мора да се 3 слони) има своја функција, едниот,надворешниот е ткн non-woven layer хидрофобичен слој (не пропушта течност) ,другиот,средниот е ткн melt-blown filter ,и третиот е исто хидрофобичен слој. И ниту една друга маска не е погодна за употреба за оваа ситуација.
Медицинска маска мора да има 3 различни сертификати кои се однесуваат баш на сертификат за сигурност,за производство,материјал и тн. плус тест од институт за сето тоа !! Дополнително што едниот од сертификатите се однесува на самата просторија каде се произведуваат медициските опреми, значи и просторијата треба да е соодветна, а не да биде конфекција за шиење алишта оти таа не исполнува стандарди за производство,не е стерилна !!
Според експерите постои причина зошто таквите маски не се класифицираат како ефикасни особено во случаи како што е сегашниот, пандемија на релативно нов и непознат вирус
Медицинските маски имаат густ слој од целулоза, што е клучна разлика меѓу нив и текстилните материјали. Точно, подобро е памучна маска отколку никаква, но не очекувајте преголемо чудо и исклучителна заштита од неа.
И во упатствата на СЗО се вели дека не е докажано дека маските за лице можат ефикасно да ве заштитат од вирусни инфекции. Овие маски веројатно се во можност да фатат некои микроби пред да стигнат до устата или носот. Но уште поважно е тоа дека тие ги спречуваат луѓето да ги допираат устата или носот (што повеќето луѓе го прават инстинктивно). Ако веќе сте болни, таквите маски може да спречат да не заразувате други.
Експертите се скептични во врска со маските и заштитата од вируси што се пренесуваат во воздухот, но велат дека можат да помогнат околу заразите што се пренесуваат преку валкани раце.
Д-р Дејвид Карингтон од Универзитетот во Лондон за Би-би-си изјави дека „обичните хируршки маски не се ефикасна заштита од вируси или бактерии што се пренесуваат во воздухот“ – што е најчест начин на зараза. Како што наведува, тоа е затоа што маските генерално не се доволно цврсти, немаат филтри за воздух и очите се изложени.
Постојат малку докази за предностите на маските надвор од болничките услови. За да бидат ефикасни, маските мора да се носат на соодветен начин, често да се менуваат и да се чуваат на безбеден и адекватен начин. А, истражувањата покажуваат дека соодветниот начин на однесувањето со маската сѐ повеќе се намалува, колку што е подолг периодот на носењето на маската.
Се препорачува да се носат квалитетни заштитни маски на носот и устата, иако експертите напоменуваат дека ни тоа не е гаранција за целосна заштита од вирусот.
Инфектолозите напоменуваат дека поважно од носењето маски е темелно да се мијат рацете и да се избегнуваат болните луѓе. Дека личната хигиена од носењето маски е поважна се согласуваат и експертите, напоменувајќи дека покривањето на устата кога киваме и кашламе, како и миењето на рацете и избегнувањето на допирањето на устата со рацете, го намалува ризикот од зараза.
