Министерот за животна средина и просторно планирање Насер Нуредини се сретна со постојаната координаторка на Обединети Нации во Македонија, Росана Дуџак.
Дуџак, како што соопштија од Министерството за животна средина и просторно планирање, изразила задоволство од можноста за придонес во спроведување на реформите во Македонија.
Во таа насока е и подготовка на нов програмски документ што ќе биде во согласност со барањата од ЕУ и Одржливите развојни цели на Обединети Нации.
Министерот Нуредини изрази почит и благодарност за поддршката од страна на системот на Обединети Нации и ги пренесе своите заложби за продолжување на нашата реформска агенда и што поскоро напредок на патот кон реализација на стратешките цели на нашата земја.
