Николов: Власта не убедува дека ситуацијата е под контрола, а каква контрола знае само „доктор“ Заев

И додека од земјите од соседството и регионот воопшто, слушаме вести како нема заболени подолг период или има само по некој случај, во Македонија состојбата е поинаква, рече Игор Николов член на ИК на ВМРО-ДПМНЕ, на денешната прес-конференција.

„Власта кај нас само убедува дека ситуацијата е под контрола, а за каква контрола зборуваат си знае само „доктор“ Зоран Заев.

Фактите говорат нешто сосема друго, но зошто тој би се занимавале со факти, “, додаде Николов  по што ги наброи фактите.

Во Македонија, како што рече, се уште бројката на ново заболени се движи од 5 до 10 проценти од вкупно тестираните. Колку и да е мала бројката на тестови во едно деноноќие, а половина од истата отпаѓа на вработените во градинките во државава, процентот се движи помеѓу 5 и 10 проценти ново заболени.

„Од темелен скрининг на населението, на ризични групи како медицински лица, возрасни и слично нема ни трага.

Најтрагично е кога слушате дека некој ни вели дека ситуацијата е под контрола, а слушаме дека има ново починати лица. И тоа не повремено, туку секој ден со одредена динамика има починати лица.

И се додека на некој поважна му е политичката функција од здравјето на народот резултати нема да им,“, смета Николов.

Многу е едноставно, додаде тој, потребен е темелен, навремен и прецизен скрининг.

„Потребно е драстично да се намали број на ново заболени и да се детектираат класерите.

Потребно е здравјето на граѓаните да биде приоритет, а не функциите и политиката“, заклучи Николов.