Шефовите на дипломатии на земјите членки на НАТО денеска во Брисел ќе ги разгледуваат односите со Москва, а, како што најави генералниот секретар Јенс Столтенберг, ќе разговараат за напредокот на Македонија и на Босна и Херцеговина во зачленувањето во Алијансата. Петочниот самит ќе биде последен во старата зграда на НАТО во Брисел, пред меѓународниот персонал и 29-те амбасади да се дислоцираат во новото седиште во јуни, за чија изградба беа потрошени 1,5 милијарди долари.
На прес-конференција ден пред состанокот на министрите за надворешни работи на НАТО членките во Брисел, генералниот секретар Столтенеберг, прашан да ги коментира изјавите на рускиот амбасадор во Македонија дека земјата ќе стане „легитимна цел“ во случај на конфликт доколку стане членка на НАТО, одговори: „Целата идеја дека Русија нема да прифати одредени земји да станат членки на НАТО е идеја на сфери на влијаниа каде големите сили ги контролираат помалите држави и тоа е во контрадикција со се за што НАТО се залага“.
– Прво мислам дека е важно правото на секоја нација да одлучи за сопствениот пат и безбедносни договори, ова е фунадаментален принцип за НАТО. Но, и Русија се заложи за овој принцип во повеќе договори како што е Хелсиншкиот договор од 1974-та години и други документи. На Скопје е да одлучи за сопствениот пат и дали сака да се приклучи кон НАТО. Македонија и 29-те сојузници на НАТО одлучуваат за тоа и никој друг нема збор во овој процес, изјави Столтенберг на прашање на МИА.
Како што јави дописничката на МИА во Брисел, Столтенберг рече дека го поздравува напредокот во преговорите за спорот за името и оти е информиран за тоа.
Столтенберг потсети дека поканата за влез во Алијансата за Македонија од 2008 се уште важи.
