Корона вирусот не го стопира авиосообраќајот на охридскиот аеродром. Сите летови и понатаму сообраќаат според досегашното темпо.
Но, патниците од ризичните делови како Милано епидемиолизите од Охридскиот центар за јавно здравје ќе продолжат да ги прегледуваат со бесконтактен пиштол за мерење телесна температура оти се уште не е поставена термалната камера.
Од центарот за Јавно здравје велат дека така ќе биде и утре при слетувањето на новата тура патници од Милано кои поединечно ќе бидат прегледувани и анкетирани од тимот епидемиолози задолжени за мониторинг на аеродромот. Сите патници досега соработуваа во лекарската контрола и велат ситуацијата не ги загрижува ниту пак вознемирува.
