Советот на Европа донесе одлука за земјите чии граѓани ќе можат да патуваат во земјите-членки на Европската унија од 1 јули. Македонија не е на тој список.
На списокот се вклучени Алжир, Австралија, Канада, Јапонија, Црна Гора, Мароко, Нов Зеланд, Руанда, Србија, Јужна Кореја, Тајланд, Тунис, Уругвај и Кина условно. Одлуката ќе се ревидира на секои две недели.
Критериуми за утврдување на трети земји за кои треба да се укинат тековните ограничувања на патувањето вклучуваат специфични епидемиолошки состојби и мерки за заштита, вклучително физичко растојание, како и економски и социјални аспекти.
