Утре на 22 Јуни 2018, Кривичниот Суд ќе соопшти, дали за прв пат во историјата на парламентарната демократија во земјава, ќе им се суди на петмината пратеници и поранешниот министер за внатрешни Митко Чавков за терористичко загрозување на уставниот поредок и безбедноста.
По речиси три месеци откако беше поднесено обвинението, тричлен совет денеска заседавал зад затворени врати. „Имаше седница на која се разгледуваа приговорите за обвинението, но додека не биде изготвена и испратена до странките, нема да биде објавена одлуката“, вели Иван Џолев – претседател на Кривичниот Суд
Адвокатите велат дека побарале рочиште, за и тие да присуствуваат пред одлучувањето по приговорите, но седницата се одвиваше зад затворени врати, а се анализирале аргументите од обвинетите, зошто не треба да им се суди за крвавиот четврток. Во овој предметот обвинети се 35 лица, вклучувајки и началници, луѓе од собраниското обезбедување, но и учесници во насилните протести од 27 април. Обвинети се и режисерот Борис Дамовски, оперскиот пејач Игор Дурловски, како и блогерот Богдан Илиевски-Бетмен.
