Согласно уредбата на Владата за примена на електронски фактури, Македонски телеком ќе избегне изготвување достава на фактури во хартиена форма и ќе поттикне електронско плаќање од дома.
Од компанијата ги информираат корисниците на мобилни усуги и „Mагента 1“ пакети, кои немаат активирано е-сметка, дека ќе добијат известување и насоки за преземање на сметката за март преку СМС порака. Оние корисници, пак, кои имаат активирано e-сметки, ќе продолжат да ги добиваат на истиот начин и во истиот формат и во иднина.
На деловните корисници на мобилни услуги и „Магента 1 бизнис“ пакети, како што наведуваат, е-сметката ќе им бидe доставенa само преку електронска пошта.
Kорисниците на фиксни услуги и сите останати корисници на Македонски Телеком кои сѐ уште немаат активирано е-сметка, стои во соопштението, може да го направат тоа брзо и едноставно на следниот линк или преку Telekom MK App.
Од компанијата посочуваат дека дигиталното плаќање е од заеднички интерес на сите граѓани, од една страна за заштита на животната средина, од друга како превенција на непосреден контакт и зачувување на здравјето на сите во овие вонредни услови.
