По редовната понеделничка координативна средба кај спикерот Џафери ќе се знае дали мнозинството ќе одлучи на денешната собраниска седница да биде распишан референдумот. Денеска се очекува и одлуката на ВМРО-ДПМНЕ дали ќе учествува на собраниската седница.
Се уште е непознато дали лидерите на СДСМ и ВМРО-ДПМНЕ кои изминативе денови телефонски се координира за референдумското прашање успеале да дојдат до некаков компромис.
Последните информации говорат дека и без најголемата опозициска партија, парламентарното мнозинство ќе го достави предлогот за распишување на референдумот на 30 септември.
Канал 5 веќе објави дека собраниското мнозинство ја подготви одлуката за распишување на референдумот, премиерот Заев веќе најави дека референдумското прашање можно е да биде – Дали сте за членство во ЕУ и НАТО со прифаќање на договорот за името меѓу Македонија и Грција.
Според роковите се очекува референдумот да се одржи на 30 септември.
