Комисијата за мандатно-имунитетни прашања во Собранието со пет гласа „за“, односно мнозинство гласови, констатира дека ќе поднесе извештај до Собранието со заклучок за одземање на пратеничкиот мандат на експремиерот, Никола Груевски.
Собранието ќе треба да го разгледа барањето на првата наредна пленарна седница.
Претходно, ВМРО-ДПМНЕ се изјасни против одземање на мандатот на Никола Груевски и пратениците ја напуштија салата откако образложија дека се работи за политички прогон. На седницата на Комисијата за мандатно-имунитетни прашања во Собранието, не се појави ниту експремиерот, Никола Груевски. Предлогот за одземање на мандатот на Груевски е врз основа на добиено известување од Основниот суд за пресудата од две години затворска казна поради случајот со „мерцедесот“.
Поврзани вести
Поради немање кворум одложено гласањето во Собранието за заем од Светска банка
ВМРО-ДПМНЕ бара дијалог: „Ковид“ седница за излез од парламентарната криза
