Врзете ги појасите, следуваат турбуленции. Изборите во месец јули се „договорени“, чекаме уште неколку епизоди од серијата „Лидерски средби“ па да ни го соопштат точниот датум. Бидејќи нели, досадно е одма се да знаеме…Како дипломиран лекар по општа медицина морам да кажам и стручно мислење, а тоа е дека не се согласувам со ова избрзано туркање на избори по секоја цена. Нејсе, одиме на главното.
пишува: Стефан ВАСИЛЕВСКИ, извршен директор на Конзерватив МК
Како до максимален допир до гласачко тело со минимализам?
Живееме во време на акцелерација каде што светот се движи со брзина на светлината. Просечниот граѓанин со редовна работа, се помалку има време за читање на онлајн содржини особено ако не му се од примарен интерес. Политички кампањи, програми и слично, не се од примарен интерес и бараат нужна модернизација преку минимализам, особено во време на коронавирус. Погледнете го примерот на сликата: Истата порака испратена до мозокот, на два начини. За првата порака (знакот), потребни се 0,2 секунди за целосно да ја апсорбираме, а за втората порака (текст) дури 6 секунди! Симплифицирано кажано преку пример: Возите на автопат и го гледате знакот. Потребни ви се само 0,2 секунди за да ја разберете целата порака. Замислете знакот да е напишан со буквите и реченицата од приказот – да, ќе ви требаат цели 6 секунди да ја прочитате и апсорбирате информацијата!
Клучна поента: Во периодот што следи, максимално да се инвестира во инфографици, прикази и анимирани слики/видеа особено на социјални мрежи, телевизија и медиуми.
Ова научно истражување (1) е достапно на една од најголемите медицинско-научни дата бази. Тоа е примарната основа врз која е правен системот за презентации PREZI. Овој начин на презентација го подобрил ефектот кај 70% од маркетерите – вели уште едно истражување (2) https://www.ioninteractive.com/resources/white-paper/interactive-content-buyers-journey
Нашите мозоци се хардвер за специфични типови содржини. Според (3) изработени студии, 90% од информациите во текот на денот ги примаме визуелно, 2/3 се во вид на приказни преку двонасочни разговори (човек-човек, човек-видео/приказ/знак/графикон). За разлика од читањето на текст, двонасочните разговори (дијалози) помагаат во „синхронизирање“ на нашите мозоци во процес наречен (4) нервно спојување (neural coupling).
Овој вид на кампања можеше да се забележи интензивно кај Венко Филипче последните неколку месеци. Тоа е сигурно една од причините за раст на неговиот рејтинг. Студиите покажуваат дека метафорите и описни зборови ги активираат нашите сензорни кортекси (5), привлекувајќи ги нашите мозоци поцелосно. На тој начин, полесно се „всадува“ информацијата во нашите глави. Симплифицирано: полесно „перење мозок“. Политички коректно: полесно „убедување на индивидуите“ дека нашата понуда/делување/програма е правилна.
На истиот начин беше претставена програмата на ВМРО-ДПМНЕ и коалицијата Обнова на Македонија. Анимирана, во кратки црти, јасна за секого. Презентирана преку графички прикази во максимално симплифицирана форма. Тоа што ќе треба во периодот што следи се масовни реобјави на истата.
Во горенаведените истражувања, се потенцира дека презентациите со помош на визуелни помагала се 43% поубедливи од оние без. Во политиката најбитен момент е да го убедите гласачот. Особено ова важи за таканаречените swing voters кој после класичните партиски членови се најважен таргет.
“На овие избори Конзерватив МК нема да учествува бидејќи не е партија. Но, целата наша досегашна активност е насочена кон поддршка на центар-десно до десно политички партии, групации, движења и останато. Ве охрабруваме, целиот наш труд, анализи, предлози, инфографици, истражувања и останато да го користите сите кои се повикувате на десница, конзерватизам и класичен либерализам. Почнувајќи од столбот на македонската десница ВМРО-ДПМНЕ, па потоа и сите останати помали партии. Дел од нашите активисти ќе бидат и директни учесници во изборните кампањи. Ви посакуваме успех на сите десничари!” – Стефан Василевски, Конзерватив МК / Conservative.mk
Извор на истражувања: References
(1) – Thorpe, S., Fize, D. & Marlot, C. Speed of processing in the human visual system, Nature, Vol 381. https://pubmed.ncbi.nlm.nih.gov/8632824/
(2) – https://www.ioninteractive.com/resources/white-paper/interactive-content-buyers-journey
(3) – Hyerle, D. (2009). Thinking Maps: Visual Tools for Activating Habits of Mind. In Costa, A. L. & Kallick, B.(Eds) Learning and Leading with Habits of Mind: 16 Essential Characteristics for Success (pp. 153).
(4) – https://www.pnas.org/content/107/32/14425
(5) – Metaphorically feeling: Comprehending textural metaphors activates somatosensory cortex – https://www.sciencedirect.com/science/article/abs/pii/S0093934X12000028?via%3Dihub & Reading cinnamon activates olfactory brain regions – https://www.sciencedirect.com/science/article/abs/pii/S105381190600231X?via%3Dihub
