Иван Јорданов, пратеник од ВМРО-ДПМНЕ денес говореше за локалните избори кои треба да се одржат на 13 декември во Штип каде посочи дека идниот градоначалник на Штип треба пред се да биде сервис на граѓаните.
-Идниот градоначалник на Штип треба да биде сервис на граѓаните, а не граѓаните сервис на градоначалникот, да покаже ентузијазам, пред се волја, желба, мотивација да го развие градот, да помогне на граѓаните да ги сервисира редовно комуналните обврски на граѓаните, да работи повеќе и помалку да ветува, истакна Јорданов.
Тој истакна дека сегашниот министер за транспорт и врски, а поранешен градоначалник на општина Штип, Благој Бочварски изјавил дека доколку биде градоначалник од редовите на опозицијата градот ќе биде закочен.
Јорданов додаде дека ВМРО-ДПМНЕ се уште ги прави анкетите за тоа кој ќе изберат за кандидат за градоначалник на Штип.
Поврзани вести
Јорданов: Јасно е дека има несогласување помеѓу коалиционите партнери во власта
Јорданов: Развиени земји го одложуваат пописот, кај нас власта упорна да изврши политичка операција
