Јавното обвинителство на Република Северна Македонија преку соопштние информира дека ги следи реакциите по донесената одлука на Апелациониот суд Скопје за замена на мерката притвор со куќен притвор за обвинето лице во случајот „Рекет“.
Како единствен државен орган кој е надлежен за кривично гонење и се грижи за законитоста на кривичниот прогон, се вели натаму во соопштнието, јавното обвинителство нагласува дека ги почитува судските одлуки и не се меша во работата на судската власт. Реакцијата на надлежниот јавен обвинител во предметот треба да се разбере како израз на моментално разочарување, по сознанието за донесената одлука во предмет во кој по опсежна предистражна и истражна постапка и поднесено обвинение, очекува судска разрешница, велат од Јавното обвинителство и додаваат:
Јавното обвинителство во извршувањето на функцијата ја заштитува законитоста и се залага за почитување на основните слободи и права на човекот и граѓанинот, принципот на владеење на правото и во таа насока обвинителството ќе ја продолжи соработката со надлежните институции и судски органи, се вели во соопштението.
Поврзани вести
Oбвинителството: Од „Телеграм“ засега немаме добиено никакви податоци за случајот „Јавна соба 2“
ВМРО-ДПМНЕ за далоноводот: СДСМ се фали со нешто што не е ни почнато, а требаше да биде оддамна готово
