Приватните здравствени установи надвор од мрежата на здравствени установи кои вршат дејност за интензивна нега и терапија, ќе може да ја вршат оваа дејност во мрежата на здравствени установи за укажување здравствени услуги на пациенти заболени од корона вирус, одлучи Владата на вчерашната седница.
Одлуката ќе важи додека трае вонредната состојба во земјава.
– Фондот за здравственото осигурување ќе склучи договори со овие институции со кои ќе се утврдат обемот и видот на здравствените услуги кои приватната здравствената установа ќе ги врши во периодот на важењето на оваа Уредба, согласно прописите од областа на задолжителното здравствено осигурување – соопштија од владината прес-служба.
