Гувернерот на италијанскиот регион Ломбардија, чијшто главен град е Милано, Атилио Фонтана, соопшти дека во следните две недели ќе биде ставен во карантин откако е утврдено дека неговиот помошник е позитивен на корона вирусот.
Фонтана веста ја објави во видео порака на Фејсбук.
Ломбардија е жариште на ширењето на коронавирусот во Италија.
Во земјата се пријавени 400 случаи на вирусот Ковид-19, што е најголем број на заразени во Европа.
