Во поликлиниката на секундарно ниво „Железара“ во Скопје е набавена нова медицинска опрема и се реконструирани и реновирани кабинетите.
Формиран е нов дијагностички кабинет, во кој функционираат сите ултразвучни апарати и апаратот за дензитометрија, со што се зголемува бројот на прегледани пациенти.
Комплетно се обновени и преуредени и кабинетите за физикална и рехабилитациска медицина, кабинетот за ЕЕГ, реновиран е влезниот хол и поставен е нов централен шалтер.
Набавен и ставен во функција e нов апарат за ЕЕГ, со кој значително се зајакнува кабинетот за неврологија. За рендген кабинетот се обезбедени дигитален апарат за панорамско снимање заби и ултразвучен апарат со елестограф за ЕХО на дојка, за очниот кабинет нов апарат за OCT, бесконтактен тонометар, орторајтер, во кабинетите по интерна медицина – нов холтер за крвен притисок и ЕКГ холтер систем, како и бројни апарати наменети за кабинетот по физикална терапија.
Кабинетот за дерматовенерологија е доопремен со комплетно нов електрокаутер, апарат за крио терапија, дермоскоп, бактерицидна ламба, како и нова центрифуга и микроскоп за лабораторијата во оваа установа.
Поврзани вести
Се гради нова поликлиника во Сарај, треба да служи на близу 45 илјади жители
Нова опрема за полициските службеници од Одделението за претходница и сообраќајно ескортно обезбедување
