Федерика Могерини, високата претставничка за надворешни работи на Европската Унија денеска ќе престојува во Скопје и ќе има средби со македонскиот државен врв.
Могерини ќе има средби со премиерот Зоран Заев, со претседателот Ѓорѓе Иванов и со лидерот на ВМРО-ДПМНЕ, Христијан Мицкоски. Владината прес-служба соопшти дека Могерини и Заев ќе ја посетат Турската чаршија.
Од Кабинетот на Могерини соопштија дека на средбите ќе се разговара за иднината на односите и перспективата на интеграција на земјата во ЕУ. Посетата на Могерини е во пресрет на референдумот што ќе се одржи на 30 септември.
