Досега во Дебар не е воведен карантин. Во градот имаме потврдени пет случаи со коронавирус, за десет се чекаат резултатите од тестирањето, додека 31 лице се во домашна изолација, рече дебарскиот градоначалник, Хекуран Дука, на денешната средба со новинарите.
Додаде дека во текот на денот ќе пристигат две специјални екипи кои треба да ја отлискаат сосотојбата.
– Ги замолувам сите медиум да не шират дезинформации со што предизвикуваат непотребна паника не амо во градот, туку и пошироко, рече Дука
Правејќи ретроспектива на преземените мерки и актвиности, тој информираше дека е формиран Оператвен штаб, во кој се претставници на сите надлежни институции.
– Синоќа почнавме со дезнифекција на населбите во градот. Почнавме од населбата „Коњаре“ каде е жариштето на вирусот. Вечерва и следните денови ќе се продолжи и во другите населби и населени места. Јавното комунално претпријатие „Стандрад“ веќе неколку дена врши миење на улиците во вечерните часови, а денеска врши дезинфекција на сите јавни и прометни површини, контејнери, канти и корпи за отпад низ градот, како и спортските игралишта и терени, нагласи Дука.
