Клиниката за детски болести ги известува сите родители и матични лекари кои од утре ќе имаат итна потреба децата со температура да ги донесат во болница, тоа да го сторат во Институтот за белодробни заболувања „Козле“. Исто така, ако има деца кои живеат во регионот кој сега е ставен под режим за движење (дебарско), за преглед да се упатуваат кон Институтот, со предходна најава.
Ова е одлука со цел да се заштитат децата кои се хоспитализирани на Клиниката за детски болести. Институтот Козле има капацитет да ги згрижи децата со температура, суспектни на корона вирус и децата кои доаѓаат дебарскиот регион, се вели во соопштението.
Хоспитализираните пациенти кои сега се во Козле во текот на денешниот и утрешниот ден ќе бидат префрлени на лекување на Клиниката за детски болести.
