Доктор Никола Пановски, во вестите на Сител изјави дека Ивермектинот е евтин лек, но сепак упати порака до граѓаните дека нема потреба да се прават залихи од истиот.
Пановски рече дека Ивермектинот е поефективен, а истовремено и поевтин од Ремдесивир.
– Според упатството лекот се дава и превентивно, јас сметам дека е непотребно со тоа ќе се прави дома залихи. Тој треба да се користи од лицата кои треба да се заштитат или лицата кои веќе дознале дека се позитивни по тестот, објаснува Пановски.
Тој вели дека засега нема потреба од комбинирање со друг лек за да се лечи ковид.
– Лекот ако се даде на почетокот во просек на петтиот ден ги олеснува симптомите. Граѓаните да внимаваат на дозата. И да не го пијат младите кои полесно ја поднесуваат болеста. Лекот е безбеден, но има интеракции ако се дава во комбинација со невролошки лекови, заклучува докторот.
