Македонија 14. декември 2018. / 16:24

Цветанов: Се плашам дека директорот на УБК и обвинители од СЈО може да ме убијат

Цветанов: Се плашам дека директорот на УБК и обвинители од СЈО може да ме убијат

Од 2010 година до 2013 година и за време на притворот, па и после тоа помалку се плашев за својот живот и слобода, отколку сега со Горан Николовски на чело на УБК и составот дуо-трио Лиле Стефанова и Елизабета Јосифовска од СЈО. Јас искрено се плашам од мојата безбедност денеска повеќе од овие луѓе монструми , отколку тогаш“, рече Ване Цветанов – поранешен директор за финансиско разознавање за време на дебатниот магазин „Клик плус“ на ТВ21.

Џабир Дерала го праша Цветанов:

Се плашиш дека ќе те убиијат?

Цветанов: Да!

Дерала прецизираше: Од луѓето кои ги спомена?

Цветанов децидно одговори: Да! УБК заедно во конструкција со овие.

Водителот го праша Цветанов дали некаде пријавил, на што Цветанов одговори:

„Нема потреба да пријавам, зошто да пријавам? Кај кого да пријавам? Кај директорот на УБК? Кој што е генератор на злото?“, додаде Цветанов.