Министерот за внатрешни работи Наќе Чулев на прес конференија соопшти дека во изолација се наоѓаат 3.787 лица во земјава, од кои 1.088 се во Скопје.
Министерот информира дека МВР поднело 39 кривични пријави против 47 сторители поради непочитување на пропишаните мерки за заштита од корона вирусот. Извршени биле вкупно 390 контроли.
Под здравствен надзор земјава има 349н луѓе, а 215 од нив се во Скопје.
Чулев информира дека се уште не се размислува за воведување кризна состојба во Скопје како во Дебар, а таа одлука треба да ја донесе Владата.
Минисерот додаде дека ситуацијата се контролира со зголемен број на полициски службеници, а зголемениот број на откриени случаи во Скопје е резултат на тоа што повеќе граѓани самоиницијативно се тестираат во приватните болници.
