На заедничката прес-конференција со шефицата на бугарската дипломатија, Екатерина Захариева, специјалниот владин претставник за Бугарија, Владо Бучковски изјави дека Македонија останува посветена на целосната имплементација на Договорот за добрососедство.
– Признаваме дека е нарушена довербата. Јас лично го изразувам задоволството што пријателска Република Бугарија го смета моето назначување како дополнителен напор од наша страна да ја вратиме довербата. Време е во периодот кој претстои да се фатиме за она што е сработено, отколку за празни зборови, вели специјалниот владин претставник.
Тој додаде дека заедничката историја, не може да ја сменат тој и Захариева.
– Ниту јас, ниту г-ѓа Захариева не можеме да ја смениме заедничката историја, но можеме да ја смениме работата во областа на инфраструктурата, заедничките капитални проекти, соработката во образованието, науката и културата, посилна соработка кон зближување на двата народа и тоа ќе го сториме искрено, рече Бучковски.
Поврзани вести
Захариева: За разлика од Македонија, во Бугарија не се добиваат избори со спротивставување на соседите
Како Захариева виде навреда во палењето на бугарското знаме, а Димитров не виде во употребата на придавката македонски?
