Движењето Беса си ги бара назад мандатите од пратениците кои припаѓаат на крилото на Африм Гаши, односно од пратениците кои ќе бидат дел од новата партија „Алтернатива“.
– Ние не го коментираме формирањете на нови политички партии. Сепак, нашите опоненти, ако имаат достоинство и кредибилитет треба мандатите, добиени во име на Движењето Беса, да ги вратат каде што припаѓаат. – вели Аријанит Хоџа, за албанските медиуми.
Инаку Беса и Биљал Касами пред неколку месеци поднеле кривична пријава за фалсификување, злоупотреба на службена положба, лажно претставување и злоупотреба на симболите против поединци кои ќе мора да сносат одговорност за своите постапки.
