Се погласни се реакциите дека во владините хуманитарни летови всушност нема ништо хуманитарно, бидејќи летот патниците си го плаќаат сами, а за тоа потпишуваат договори. А, се погласни се и обвинувањата дека Власта профитира од ситуацијата.
Лидерот на Левица, Димитар Апасиев, објави статус на фејсбук во кој тој наведува дека власта едно кажува на прес-конференциите, а друго им пишува во договорите на повратниците од странство кои сакаат да се вратат во Македонија.
-На прес кажуат – летот за нашинците коштал 32.000 ЕУР. У договор, на луѓето им пишуе – 42.000 ЕУР!? Ај па и вие, десет бона евричи, пара ли е? И после купуеле викендици у Маврово. Епа купуеле, пишува Апасиев.
