Комисијата за спречување на корупција по своја иницијатива отвори предмет за продажбата на земјишетото спроти хотелот Холидеј ин, каде ќе се градат висококатници, пишува Фокус.
Антикорупција ќе истражува дали е незаконско окрупнувањето на земјиштето кај оваа локација, по што е извршена продажбата. Ќе се испитува и дали се прекршени основните начела за заштита на животната средина со изградбата на предвидените висококатници.
На денешната седница антикорупционерите одлучија да отворат и постапка за непотизам во случајот со вработувањето на ќерката на пратеничката на СДСМ Катерина Кузмановска. Според пријавата на ВМРО ДПМНЕ, Марија Кузмановска е вработена на скопска Гинекологија така што било злоупотребено дискреционото право на директорот и министерот.
