Реставрацијата на гробот на славниот египетски фараон Тутанкамон денеска официјално е завршена.
Зафатот кој во изминатите девет години го реализираше институт за конзервација имаше за цел да ги намали штетите предизвикани од прашина и микроорганизми што се создаваат поради влагата што ја внесуваат туристите.
Речиси недопрената гробница на фараонот кој со Египет владеел пред повеќе од 3 000 години била откриена во 1922 од страна на Хауард Картер во Долината на кралевите во близина на Луксор. Поради огромното богатство што било пронајдено внатре, Татанкамон се смета за симбол на славата на древниот Египет.
