Популарната мобилна апликација за размена на пораки, фотографии и видеа “WhatsApp“, ја укинува поддршката за Windows Phone, постарите iOS и Android оперативни системи, што значи дека корисниците на овие уреди веќе нема да можат да ги користат.
На својата официјална страница WhatsApp, наведува дека ќе работи само на Android 4.0.3 и погоре, iPhone телефони што работат iOS 9 и погоре, и на избрани уреди со KaiOS 2.5.1, вклучително и JioPhone и JioPhone 2.
Постарите уреди што работат со Android 2.3.4 или iOS 8 ќе имаат поддршка до 1 февруари 2020 година, а телефоните на Windows Phone веќе нема да можат да ја користат апликацијата од 31 декември 2020 година.
Ако сакате да ја пренесете вашата сметка на WhatsApp на нов уред, нема да можете да ја пренесете историјата на вашиот разговор, но можете да ја експортирате како прилог на е-пошта, па не заборавајте да го сторите тоа пред 1 февруари.
