Продажбата на популарно наречената „паста“ во Италија значително се зголеми, а експертите проценуваат дека многу Италијанци ќе се здебелат помеѓу 2 и 4 килограми додека престојуваат во домашен карантин.
Повеќе од 60 милиони луѓе во Италија се принудени да се префрлат на домашни оброци речиси преку ноќ, заради строгите мерки за карантин. Дури и оние 10,4 проценти кои, според статистиката пред пандемијата, вечерале надвор од својот дом, пренесува италијанскиот весник „Република“.
Продажбата на тестенини се зголемила за 65,3 проценти помеѓу 9 и 15 март, покажало истражувањето на Нилсен.
Нилсен известува дека продажбата на млеко и производи преработени со ултра-висока температура е зголемена за 62,2 проценти, конзервираната туна за 56 проценти, ракавици за домаќинство со рекордни 362,5 проценти, детергенти за 49,7 проценти и алкохол за 169,2 проценти.
Во најтешко погодената земја од корона вирусот, Италија воведе строги мерки за карантин низ целата земја, првично ќе важат до 3 април, но и ќе бидат продолжени, барем според најавите на официјални лица.
