Управата на зоолошката градина во градот Бандунг на индонезискиот остров Јава соопшти дека наскоро ќе треба да жртвува некои животни од зоолошката градина за да ги нахрани месојадците кои се на работ на глад.
Поради воведување на рестриктивни мерки, зоолошката градина беше затворена на 23 март и на тој начин остана без приходи од посети, но досега успеа да набави храна со пари од донации.
Animals at the Bandung Zoo in Indonesia have been on a smaller diet since the zoo closed back in March, and the staff is contemplating a ‘worst-case scenario’ of culling some animals to feed others https://t.co/TCd4m6Ailf pic.twitter.com/ZT5Z8PSG7T
— Reuters (@Reuters) May 22, 2020
– Имаме околу 30 елени и издвоивме неколку стари и немоќни грла да послужат како храна на нашите месојадци, како што е тигарот од Суматра и леопардот од Јава, изјави претставникот на зоолошката, Сулхан Сијафи.
Сијафи додаде дека раководството се подготвува за најлошото сценарио, бидејќи станува се потешко да се обезбедат 400 килограми овошје и 120 килограми месо дневно за 85 животни од зоолошка градина.
