Новиот визуелен албум на поп дивата Бијонсе „Black is King“, официјално е објавен на стриминг-сервисот Дизни плус.
Долгоочекуваниот материјал продукциски е на очекуваното високо ниво, а обожавателите на Бијонсе се воодушевени од албумот.
„Black is King“ зборува за актуелната тема за нееднаквоста во светот, особено во САД, за корените и значењето на културата на Афроамериканците, а раскошните видеа испраќаат директни политички пораки.
Идејата за визуелен албум настанала откако Бијонсе минатата година ја прифати улогата на Нала во римејкот на „Кралот лав“, па на анимираниот класик пејачката одлучи да му подари ново активистичко руво.
Бијонсе снимаше на бројни локации ширум светот – Њујорк, Лос Анџелес, Јужна Африка, Лондон и Белгија, а плејадата на гостите е импресивна.
View this post on Instagram
Você quer coreografia? “Black Is King” serve tudo isso e ainda com Blue Ivy dando close ??
Визуелниот албум се темели на музиката од албумот „The Lion King: The Gift“, на кој со Бијонсе соработувале славните музичари Чајлдиш Гамбино, Кендрик Ламар, Џеј Зи, Фарел и многу други, а во видеата се појавуваат и Наоми Кемпбел, Лупита Нјонго, како и осумгодишната ќерка на Бијонсе, Блу Ајви Картер.
