Денеска ќе биде сончево со мала до умерена облачност и со умерен, во западните делови повремено засилен југозападен ветер. Максималната температура ќе биде во интервал од 13 до 20 степени Целзиусови.
Во Скопје сончево со умерена облачност и со умерен југозападен ветер. Доцна попладне ветерот ќе се промени во северозападен и ќе засилува. Во вечерните и ноќните часови ќе има врнежи од дожд, повремено поинтензивни. Во втората половина од ноќта врнежите и во Скопската Котлина ќе преминуваат во снег.
Максималната температура ќе достигне 16 степени Целзиусови.
Метеоролозите најавуваат дека од утре ќе заврши невообичаеното топло време за овој период од годинава, а од утре ќе биде облачно и студено со повремени врнежи претежно од снег. Во југоисточните делови од дожд и засилен северозападен ветер, особено вдолж Повардарието.
Облачноста ќе почне да се зголемува во вечерните часови почнувајќи од север и ќе има врнежи од дожд кои на места ќе бидат поројни. Ќе дува силен северен ветер што ќе услови нагло и значително опаѓање на температурата,па во втората половина од ноќта врнежите на повеќе места ќе преминуваат во снег.
Утринската температура ќе се движи од минус три до пет степени Целзиусови, дневната од минус два до осум степени Целзиусови.
