Алфредо Кинтана, голманот на ракометниот тим на Порто, почина денеска после неколку дена борба за ѓивот. Кинтана беше во кома, откако при еден тренинг доживеа срцев удар. Не успеале обидите на лекарите да го спасат во најважната битка.
Кинтана (32) е соиграч на репрезентативецот Никола Митревски во овој тим, а воедно и според медиумите тие биле најблиски другари во тимот. Последната негова објава на социјалната мрежа „Инстаграм“ е заедно со македонскиот репрезентативец.
View this post on Instagram
Ракометниот тим Порто ја потврди страшната вест, и го стави логото во црна боја.
– Нашиот драг Алфредо Кинтана почина денеска. Ти ќе бидеш вечно во нашите срца. Вистински змеј. Почивај во мир, стои на „Твитер“ профилот на Порто
A mensagem que nunca pensámos partilhar: o nosso querido Alfredo Quintana partiu hoje. Serás para sempre lembrado como um dos nossos. Um verdadeiro Dragão. Descansa em paz, Eterno Quintana!
🔵⚪#FCPorto #FCPortoSports pic.twitter.com/3bEf1714gO
— FC Porto (@FCPorto) February 26, 2021
Кинтана беше роден во Куба, а цели 11 години беше дел од Порто. Беше дел и од португалската репрезентација.
