Во храмот на „Успение на Пресвета Богородица“ во штипско Ново Село беа изнесени дел од моштите на светецот Алимпије Столпник. Моштите се изнесуваат еднаш во годината и тоа на денот на светецот. Овие мошти веќе 99 години се чуваат во овој храм. Штипски трговец во 1920 година, дел од моштите на светецот ги донел од Света Гора.
-Се сретнал во Света Гора со некој монах, според кажувањата, си кажал од кој македонски град е и прашал дали ќе може да однесе во Штип дел од моштите на спомнатиот светец. Монахот ја исполнил желбата на штипскиот трговец и од 1920 -та година, моштите се во овој храм, вели свештеникот Јовче Ќурчински.
До пред неколку години, моштите постојано биле изложени за јавноста, но сега се заштитени во посебен дел од храмот.
